ប្ដីសកម្មជនដីធ្លី ស្នើតុលាការខេត្តកោះកុងដោះលែងប្រពន្ធ ខណៈមានកូនតូចៗ ក្នុងបន្ទុក

Metadata

ប្ដីសកម្មជនដីធ្លី ស្នើតុលាការខេត្តកោះកុងដោះលែងប្រពន្ធ ខណៈមានកូនតូចៗ ក្នុងបន្ទុក
August 10, 2023
ប្ដីលោកស្រី យឿន ខ្មៅ លោក សួស ថែត លើកឡើងថា ចាប់តាំងពីប្រពន្ធរបស់លោកជាប់ពន្ធនាគារមក ជីវភាពគ្រួសារកាន់តែលំបាកខ្លាំង ព្រោះតែលោកមិនអាចទៅធ្វើការចោលកូនតូច ២នាក់ និងកូនបីនាក់ទៀត កំពុងតែរៀន។ លោក សួស ថែត បន្ថែមថា បើតុលាការបន្តឃុំខ្លួនប្រពន្ធលោកទាំងអយុត្តិធម៌ទៀត នឹងធ្វើឱ្យប៉ះពាល់កាន់តែខ្លាំងលើអនាគតកូនៗ របស់លោក។ លោកស្រី យឿន ខ្មៅ គឺជាសកម្មជនម្នាក់ ក្នុងចំណោមសកម្មជនដីធ្លី ៩នាក់ផ្សេងទៀត ដែលត្រូវបានអាជ្ញាធរក្នុងខេត្តកោះកុងបានចាប់ខ្លួន នៅពេលពលរដ្ឋសហគមន៍ធ្វើដំណើរទៅដាក់ញត្តិនៅភ្នំពេញ កាលពីថ្ងៃទី២៩ ខែមិថុនា។ បន្ទាប់មកតុលាការខេត្តកោះកុងសម្រេចឃុំខ្លួនសកម្មជនដីធ្លី ៩នាក់ រួមទាំងទារកអាយុ ១ឆ្នាំ ៣ខែម្នាក់ផង នៅពន្ធនាគារ ក្រោមបទចោទប្រកាន់ «ញុះញង់ឱ្យប្រព្រឹត្តបទឧក្រិដ្ឋជាអាទិ៍»។ លោកស្រី យឿន ខ្មៅ ជាពលរដ្ឋម្នាក់ក្នុងចំណោមពលរដ្ឋចំនួន ១៩៧គ្រួសារ មកពីឃុំជីខលើ និងជីខក្រោម ដែលឡើងមកតវ៉ានៅរាជធានីភ្នំពេញជាបន្តបន្ទាប់ ដើម្បីរកអន្តរាគមន៍ពីក្រសួងរៀបចំដែនដីនគរូបនីយកម្ម និងសំណង់ ឱ្យជួយដោះស្រាយវិវាទដីធ្លី ដោយចោទថា ក្រុមហ៊ុន ហេង ហ៊ុយ បានរំលោភយកដីធ្លីពួកគាត់ តាំងពីឆ្នាំ២០០៧។
Language ខ្មែរ (Khmer)
NewsML Media Topics Arts, Culture, Entertainment and Media
Topic Tags សិទ្ធិមនុស្ស, Khmer
Network RFA
Embargo Date August 10, 2023 04:14 EDT
Brand / Language Service RFA Khmer

Frames

Related records